Dowladda Soomaaliya ayaa waxay si’aan dhiig ku daadan ay kula wareegtay Dhismaha Bacadlihii hore ee Degmada Xamar Weyne ee Magaaladda Muqdisho, iyadoo dhinaca kalana wada-hadalo la-gasho rag gaar ah oo heystay.

Ciidamadda Dowladda Soomaaliya oo ku hubeysan qeybaha kala duwan ee hubka, ayaa waxay maanta jooggaan Dhismaha Bacadlihii hore ee Magaaladda Muqdisho, ka gadaal markii uu booqasho uu ku yimid Madaxweynaha Soomaaliya.

Madaxweynaha Soomaaliya Mudane Shariif Sheekh Axmed ayaa wuxuu goor dhaw uu Warbaahinta uu kula hadlay Dhismaha Bacadlihii hore, oo ku yaalla meel kaabiga ku heysa Boosteejadii hore ee Ceel-gaabta.

Madaxweynaha ayaa wuxuu si kal iyo laab leh uu u soo dhaweeyay in gacanta Dowladda Soomaaliya ay soo gasho Dhismaha Bacadlihii hore, isagoo sheegay inay jiraan Dowladdo diyaar u ah inay dhisaan sida uu yiri Xaruumaha Dowladda.

Shirkaan oo daqiiqado ka hor lasoo gaba gabeeyay ayaa ka hor inta uusan soo xirmin waxaa halkaasi khudbad dheer (Closing Statement)ka jeediyay Ra’iisul Wasaaraha Soomaaliya Dr Abdiweli Mohamed Ali.

Shirka ICG oo shalay iyo maanta ka socday Djibouti ayaa waxaa looga hadlay arrimo fara badan oo ay ka mid yihiin arrimaha amniga, gaar ahaan sidii loo sii wadi lahaa howlgaladda looga soo horjeedo kooxaha Al-Shabaab, Waxaa kaloo laga hadlay sidii shacabka Soomaaliyeed loogu abuuri lahaa nolol gaar ahaan degmooyinka iyo gobollada laga xorreeyo Al-Shabaab.

Kulanka Kooxda Xiriirka Caalamiga ee kusoo idlaaday Jabuuti ayaa sidoo kale looga hadlay Shirka London ee 23-February.

Shirka London ayaa laga muujiyay in ay kasoo baxaan qodobo muhiim u ah qeybaha soomaalida, kaasi oo maslaxad u noqon kara Soomaaliya qeybaheeda kala gedisanay, iyadoona la sheegay in shirkaasi loogu hadlayo sidii xal waara looga gaari lahaa arrimaha amniga iyo soo celinta kala danbeynta dowladnimo.

Ugu danbeyntii waxaa la isla gartay in xilliga kala guurka ah la soo afjaro 21 August 2012, isla markaana la dar-dar geliyo dhameystirka Dastuurka iyo dib u habeynta baarlamaanka oo la isku raacay in baarlamaanka cusub uu noqdo mid tayo leh oo ay jiraan shuruurda sida waxbarasho, in shaqsiga uusan danbi hore u galin ama uusan soo noqon warlord, isla markaana sumcad ku dhex leh bulshada dhexdeeda.

Ra’iisul Wasaaraha Soomaaliya Dr Abdiweli Mohamed Ali ayaa ka codsaday beesha caalamka inay mowqif mideysan yeeshaan oo shirka london lagu xoojiyo sidii ciidamda Soomaalida iyo hay’adaha amniga dib loogu dhisi lahaa iyo in roadmap ka iyo Garowe Principles ay noqdaan saldhigga dooda iyo waxqabadka.

Afhayeenka Xukuumadda Soomaaliya.

Abdirahman Omar Osman.

Ciidamadda Milatariga ee Dowladda Itoobiya ee ku sugan Degmada Luuq, ayaa waxay ka caroodeen in Xoogaga Shabaab ay la-wareegto Deegaanka Kureedka, oo qiyaastii 11km u jira Degmada Luuq oo ay ku sugan yihiin.

Taasi ayaa waxay dhalisay inay ku soo dhaqaaqeen dhinaca Deegaanka Kureedka, isla-markaana Xoogaga Shabaab ayaa iskaga baxay, markii ay maqleen in Ciidamadda Dowladda Itoobiya ay ku soo dhaw yihiin.

Ciidamadda Dowladda Soomaaliya ayaa waxaa u suurta gashay inay dib ula wareegaan Deegaanka Kureed, oo ay markii horeba ku lahaayeen daafacyo balaaran, oo ay ku suggi jireyn amniga Degmada Luuq, bacdamaa Deegaanka Kureedka laga soo gallo Degmada Luuq.

Majirto wax war ah oo ka soo kala baxay Dowladda Kmg ah ee Soomaaliya iyo Xarakada Al Shabaab, oo ku aadan in dib Xoogaga Shabaab loogala wareego Deegaanka Kureedka, oo ay Sabtidii ka faro maroojiyeen Ciidamadda Dowladda.

Afhayeen u hadlay Wasaaradda Gaanshaandhiga ee Dowladda Kenya oo lagu magacaabo Korneel Cyrus Oguna, ayaa wuxuu shaaca ka qaaday in Xoogaga Shabaab ay gudaha Soomaaliya kaga dishay laba taliye, oo uu sheegay inay xagoodu qaali ka ahaayeen.

Korneel Cryus Oguna muusan sheegin magacyada sargaalada loogu dilay Koonfurta Soomaliya iyo deegaanada ay kasoo jeedan, hase ahaatee waxa uu carabka ku dhuftay in Kenya aysan u dhuntin doonin 2-daas sargaal ee laga qaarijiyay.

” Hosingoow ayaa ugu horeeysay meelaha aan Al-Shabaab kala wareegnay, Badhaadhe ayaa kamid ah degmooyinka sida nadiifka ah kula wareegnay, Jaziirada Kudhaa waxan idin xaqiijinaa inaan anaga hadda joogno” ayuu yiri Korneel Cryus Oguna.

Cyrus Oguna ayaawuxuu sheegay khasaaraha walba oo dagaalada ka soo gaaray in Dowladda Kenya ay diyaar u tahay sida uu yiri, sidii dalka Soomaaliya looga sifeyn lahaa Xoogaga Shabaab, oo uu kala dhaxeeyo dagaalo xoogan.

Masuulka la dilay oo ahaa Gudoomiyihii Xaafadda Israac ee Waqooyiga Gaalkacyo ee Puntlnad marxuum C/raxmaan Maxamed Cabdulle ayaa waxaa la sheegay in kooxaha ay dileen xili uu kasoo baxay Masjid ku yaalla magaalada uuna kusii jeeday hoygiisa.

Xubin sare oo u hadlay ciidamada Maamulka Puntland ayaa waxa uu sheegay in ay soconayaan baaritaano ku aadan dilka Mas’uulkaasi, waxaana uu ugu baaqay shacabka in ay ka gacan siiyaan sugida amaanka magaalada si looga hortago kooxaha dilalka qorsheysan gaysanaya.

Mudane Axmed Cismaan Gataax oo ahaa Gudoomiyihii hore ee Xaafadda Israac aya sidan oo kale loogu dilay isla magaalada gudaheeda sanadkii tagay ee 2011kii.

Hadaba dilalkan qorsheysan ee loo geysanayo masuuliyiinta iyo shacabka ku nool mudug ayaan ilaa iyo hada wax horu mar ah laga sameyn walina looma qaban shaqsiyaad dilalkaasi qorsheysan.

Xarakada Al Shabaab ayaa waxay sheegtay inay dishay Taliyaha 1-aad ee Ciidamadda Dowladda Dowladda ee Degmada Luuq Gubane C/Laahi Shoodag, Ku Xigeenka Caafimaadka ee Dowladda Somaliya ee Degmada Luuq C/Laahi Maxamed kheyr Aadan iyo Sandheere C/Raxmaan Qoormagiig, isla-markaana waxay sheegtay in uu dhaawac soo gaaray Taliyaha Guud ee Ciidamadda Dowladda ee Degmooyinka Doolow iyo Luuq Maxamed Nuur Sheegow.

Xarakada Al Shabaab ayaa waxay sheegtay in Saraakiishaan ay ku dishay dagaalo qaraar oo hal habeen kahor ay ku qaadeen Degmada Luuq ee Gobolka Gedo, oo ay gacanta ku heyso Dowladda Kmg ah ee Soomaaliya.

Bayaan ay soo saartay Xarakada Al Shabaab ayaa waxay ku sheegtay inay ku dishay, kuna dhaawacday Taliyaha 1-aad ee Ciidamadda Dowladda Dowladda ee Degmada Luuq Gubane C/Laahi Shoodag, Ku Xigeenka Caafimaadka ee Dowladda Somaliya ee Degmada Luuq C/Laahi Maxamed kheyr Aadan iyo Sandheere C/Raxmaan Qoormagiig, isla-markaana waxay sheegtay in uu dhaawac soo gaaray Taliyaha Guud ee Ciidamadda Dowladda ee Degmooyinka Doolow iyo Luuq Maxamed Nuur Sheegow.

Guushaan ay sheeganeyso Xarakada Al Shabaab ayaysan weli wax war ah ka soo saarin Dowladda Kmg ah ee Soomaaliya, balse saacadaha soo socda ayaa waxaa dhici kareysa inay ka hadashay.

Dowladda Kenya ayaa waxay duqeymo xoogan ay ku curyaamisay hawl-gallo balaaran oo ay qaadi lahaayeen Xoogaag Shabaab, oo horaantii bishaan lagala wareegay gacan ku heynta Degmada Badhaadhe ee Gobolka Jubbada Hoose.

Afhayeenka Ciidamadda Milatariga ee Dowladda Kenya Major Emmanuel Chirchir oo wareysi gaar ah siiyay Wakaaladda Wararka ee Xinhua ee Shiinaha, ayaa wuxuu shaaca ka qaaday inay go’doomiyeen Xoogaga Shabaab.

Afhayeenka ayaa wuxuu hoosta ka xariiqay in Xoogaga Shabaab ay si weyn uga xumaadeen in lagala wareego gacan ku heynta Degmada Badhaadhe, isla-markaana wuxuu tilmaamay inay doonayeen inay soo qaadaan weeraro xoogan.

Hase yeeshee weeraradaasi ayaa wuxuu tilmaamay inay ku baajiyeen duqeymo xoogan oo dhinaca cirka ah markii ay ku garaaceen, isagoo intaasi ku daray in duqeymahaasi ay ka soo gaareyn khasaarooyin kala duwan.

Afhayeenka Ciidamadda Milatariga ee Dowladda Kenya Major Emmanuel Chirchir, ayaa wuxuu sheegay inay sii wadi doonaan duqeymaha xoogan ee ay la-beegsanayaan Xoogaga Al Shabaab, oo uu sheegay inay yihiin kuwo abuuraaa dhibaatooyin xoogan, balse wuxuu sheegay inay kahor taggi doonaan.

Mahad Istiila oo ka mid ah Wariyaasha Soomaaliyeed eek u sugan dalka Koofur Afrika ayaa ardaygaani ka sameeyay Bandhig wareysi oo uu ka wareysanayo sababta ku dhalisay, qaabka iyo habka uu ugu hadlayo Afka Soomaaliga.

Ardaygaani Mareykanka ah ayaa ka mid noqonaya dhalinyaro ajnabi ah oo iyagu bartay Afka Soomaaliga jecelna mar walba inay la dhaqmaan Soomaalida. Lamana oga arrintaani waxa ay ka badali doonto Afka Soomaaliga ee ajnabigu haatan daneenayo.

HALKAAN HOOSE KA DAAWO VIDEO: