Aweys Sheekh Xadaad ayaa Bahda Isboortiga dalka Britian ugu warbixiyay wax qabadka Wasaarada Isboortiga, asigoona halkaasi kusoo bandhigay qorshooyinka ee wasaarada isboortiga damacsan tahay Waqtiyada soo aadan.

Kulanka uu Agaasimaha Guud la qaatay Bahda Isboortiga dalka Britian ayaa waxaa goob joog ka ahaa, Lataliyaha Wasaarada Isboortiga Dowlada KMG ee Soomaaliya, Eng Baana Abdalla Ali, Wasiir kuxigeenkii hore ee Wasaarada Maaliyada Mukhtaar Shuute , Guddoomiye kuxigeenkii Xiriirka Soomaaliyeed Kubada Cagta Axmed Nuur, iyo xubno kale oo ka tirsab bahda Isboortiga.

Aweys Sheekh Xadaad waxa uu kulankaasi ku faah faahiyay Wax qabadka Wasaaradiisa iyo Qorshaha Wasaarada Isboortiga ee la xariira Qabsoomida Ciyaaraha gobolada Dalka Soomaaliya, asigoona jaaliyadaha kala gedisan ee ku nool Caalamka ka codsaday in ay gacan ka geystaan, isla markaana wasaarada ku taageeraan qabsoomida Ciyaaraha Gobolada.

“Waxaan u Mahad celinayaa Maamulka Puntland oo marti geliyay ciyaarihii Gobolada, balse xilligaan waxaa la gaaray xilligii Muqdisho lagu qaban lahaa Ciyaaraha Gobolada Dalka Soomaaliya” Ayuu yiri Aweys Sheekh Xadaad.

Agaasimaha Wasaarda Isboortiga oo Kulankaasi ka dib la hadlay Saxaafada ayaa waxa uu ka hadlay Arrimo dhowr ah oo la xariira Shaqooyinka Wasaarada, Xiriirka kala dhaxeeya G.O.S, Ururada kale ee Isboortiga iyo Waliba Qeybaha Diasparada.

Xadaad waxa uu sheegay in dhawaan ay meel mariyeen Qorshe ay Wasaarada u dajisay dhalinyarada Soomaaliya, asigoona dhinaca kale xusay in xilliga soo socda ay Golaha Wasiirada Dowlada KMG meel marin doonaan Qorshe ay u dajisay in ay kula shaqeeso Guddiga Olompikada Soomaalieed ee G.O.S.

Waxa uu sidoo kale faah faahin ka bixiyay wada shaqeynta xilligaan Wasaaradiisa ay kala dhaxeeso Guddiga Olompikada Soomaaliyeed ee G.O.S oo iyadu had iyo jeer sheegata in ay ka madax banaan tahay Wasaarada Isboortiga.

“G.O.S waxa ay ka tirsan tahay 9-ga Guddi ee Qaran, ee dastuurka qoraya in dib u dhis iyo dib u habeyn lagu sameeyo, sharci ahaana waxa ay hoos yimaadaan Wasaarada Isboortiga, balse waxa ay u madaxbanaan yihiin howlahooda kale ee shaqo iyagoo fasax ka qaadanaya Wasaarada Isboortiga” Ayuu yiri Aweys Xadaad.

Agaasimaha Wasaarada Isboortiga waxa uu dhinaca kale faah faahin ka bixiyay Warqad ee Guddiga Olompikada Aduunka kal hore soo saartay taasi oo siyaabo kala gedisan loo fasiray, asigoona sheegay in Guddiga Olompikada Aduunka ay garowsan tahay in G.O.S ay hoos timado Wasaarada Isboortiga isla markaana ay la xisaabtanto G.O.S Maadaama ay soo qaadato buu yiri lacago loogu tala galay Qaranka.

“Hadii ay G.O.S ka madax banaan tahay Wasaarada Isboortiga waxa ay la mid Noqoneesaa Shirkadaha Xawaaladaha oo kale sida Dahabshiil iyo Qaran oo kale, waxa ayna waaynayaan garoomada Isboortiga iyo Tasiilaada kale ee loo sameeyo” Ayuu yiri

Dhinaca kale Mar uu ka hadlaayay Bur burka Garoomada kala gedisan ee isboortiga kuwooda ku yaal Muqdisho iyo Gobolada Dalka Soomaaliya, Ayuu sheegay in Wasaarada ay qorsheeneeso dib u dhiska Garoomadaasi, dhawaanna ay geysay Ingineero dhismooyinkaasi ka qeyb qaadanaya, asigoona carabka ku dhiftay in Dowladaha Turkiga iyo Iran ee gacan ka geysaneeso dhismaha Garoomada isboortiga.

Mar uu ka hadlay Lacaga ay Xiriirka Soomaaliyeed ee Kubada Cagta iyo GOS ay kusoo qaateen dhismooyinka garoomada Kubada Cagta ee Koonis Stadium, Kan Puntland iyo Kan Galmudug, ayuu sheegay in ay jiri doonto xisaabtan dhex mari doonta Wasaarada, GOS, iyo XSKC.

“Nin gurigaaga kuugu yimid oo waa dhisanaa ku dhahay waa wax lagu qosla, Garoomada waxaa is kale wasaarada, iyada ayaana dhisaneeso, waana nasiib darro in Xiirir dhaho anaa garoon dhisaayo, balse waxaa jiri doonta Xisaabtan” Ayuu yiri.

Wasaarada Dhalinyarada iyo Isboortiga Dowlada KMG ee Soomaaliya ayuu sheegay in ay diyaar u tahay sixida qalad waliba oo ka dhex jira isboortiga, asigoona dhinaca kale sheegay in G.O.S ee dhankeeda qirteen in uu ka dhex dhacay waxyaabo qaladaad ah ayna cudur daar ka bixiyeen Arrinkaasi.

Wasaarada Isboortiga Ayuu sheegay in ay la shaqeeneeso cid waliba oo hormarineesa Isboortiga Soomaaliyeed, asigoona dhinaca kale xusay in aysan jirin wax lagu diido Guddi isboorti oo ka dhisan Magaalada Muqdisho kaasi oo qabta tartamo lagu dhiiri gelinayo dhalinyarada Soomaaliyeed.

Agaasimaha Guud ee Wasaarada Dhalinyarada Isboortiga Shaqada Iyo Shaqaalaha Dowlada Federalka KMG ee Soomaaliya Aweys Sheekh Xadaad waxa uu sheegay in Wasaaradiisa ay goob joog ka noqoneeso Doorashooyinka G.O.S si ay u dhacdo buu yiri doorasho xalaal ah.

Waxa uu ugu baaqay bahda Isboortiga qeybahooda kala gedisan meel waliba oo ay dacalada Aduunka kaga sugan yihin in ay la shaqeeyaan Wasaarada, wax waliba oo ay tabanayaan ay kala soo xariiraan Wasaarada, isla markaana si guud loogu wada shaqeeyo hormarinta Isboortiga Soomaaliyeed.

W/D. Salah Hassan Omer [Salah Dheere].

Email: s.dheere@hotmail.com

Mucjisaha Kubada Miiska Magan Tahir Yuusuf ayaa Tartankaasi kala qeyb galay ciyaartoy kubada Miiska oo gaarayay 120-Ciyaaryahan, oo ka kala socday Gobolada dalka Nederlands.

Furitaanka Ciyaarahaan ayaa waxaa ka soo qeyb galay Mas,uuliyiin kala gedisan oo ka kala socday Gobolada Dalka Holland, Madax Isboorti, iyo Marti sharaf ka socotay Dowlada Hoose iyo Dhexe ee Dalka Holland.

Duqa Magaalada Leeuwarden ee Gobolka Friesland [Ferd Crone], ayaa Ciyaarahaan Furay, asigoona ka hor inta aan si rasmi ah u bilaaban ciyaaraha, rajo ka muujiyay In Ciyaaryahan Magan Tahir uu sanadkaan ku guuleesto Tartanka Kubada Miiska oo ay Marti galisay Gobolka Friesland.

Qeybihii danbe ee ciyaaraha mar uu Magan Tahir la hadlay Saxaafada ayuu rajo ka muujiyay in uu Koobka Sanadkaan la hooyanayo bacdamaa uu yiri “Ninka kaliya ee cariiriga i galin kari waa (Lon Ha) balse xilligaan mar hadii uu haray ma jirto cid i celin karta”.

Magan Tahir Yuusuf ayaa soo gaaray Finalka, asigoona daqiiqadihiisa ugu danbeesay si farxad ay ku dheehan tahay ula ciyaaray Ciyaaryahan [Marten Polet] oo u cayaara nadiga Bergum, iyadoona ciyaartaasi ee kusoo idlaatay 3-1 set.

Ciyaaryahan Magan Tahir ayaa si weyn usoo jiitay taageerayaashiisa Gobolka Friesland, Bacdamaa uu Gobolka Ku reebay koobkii ay marti gelineesay Gobolka, taasi oo guul weyn u noqotay Bahda Isboortiga Gobolka Friesland.

Dhawaan Ayuu Magan Tahir isku diyaaranayaa in uu ka qeyb galo ciyaaraha Naadiyada Dalka Holland iyadoona Bisha March la filayi in uu ka qeyb galo ciyaaro International ah oo ka dhici doona dalka Italia.

Salah Hassan Omer [Salah Dheere]

Amsterdam – Nederlands.

Email: s.dheere@hotmail.com

HIRDA AMSTERDAM FUSTEL TOURNMENT 2011, oo sanadkaan ahaa kii ugu xiisaha badnaa ee soo mara tan iyo sanadkii 2005-ta, xilligaas oo la bilaabay qabashada ciyaarahaan ayaa waxaa nasiib u yeeshay 24-kooxood oo ka kala socday Wadamada Britian, Norwey, Switzerland, iyo Nederlands, inkastoo sanadkaan ee 43-kooxood soo dalbadeen in ay ka qeyb galaan.

Ciyaaraha HIRDA AMSTERDAM, sanadkaan waxaa ka soo qeyb galay oo lagu casuumay Marti sharaf aad u fara badan oo Magac ku leh Isboortiga Soomaaliyeed kuwaasi oo ka kala yimid Wadamada ku teedsan Dalka Holland.

Ciyaaryahankii Hore ee Xulka Qaranka Kubada Cagta Dalka Soomaaliya iyo kooxdii Horseed Legend Maxamed Ismaaciil, ayaa sanadkaan furay Ciyaaraha HIRDA AMSREDAM TORNAMENT 2011, oo 24-December ka furmay Garoonka dadan ee Sporthallen, Zuid Amsterdam, Halka HIRDA AFT Ambassador uu ahaa “Mucjisaha Kubada Miiska” Magan Tahir Yuusuf.

Mart sharafta Sanadkaan lagu casuumay HIRDA AFT 2011, waxaa ka mid ahaa Macalin Xasan Faarax John, Garsoore C/qaadir Caddaay, Abuukar Abanuur, Madaalihii XSKC Maxamuud Koofur Yare, Xuseen Abanur Abati, Sacad Cumar Geedi, C/naasir Saciid Seef (Cabdi-dheeg), C/qaadir Maxamed Faarax (Biriq), Maxamed Buube, Abdi Salaan (somaliweek UK), Omer Canjeero, Macalin Laas, Macalin Ganey, Kaptanka Xulka Qaranka Soomaaliya Ciise Aadan Abshir, Baabuji, Aweys Cali Winkey, Guuleed Xasan Faarax, iyo marti sharaf kale oo aad u fara badnaa kuwaasi oo magac ku leh isboortiga soomaaliyeed.

Kooxaha sanadkaan ka qeyb galay ciyaaraha AFT 2011, ayaa kala ahaa: Vlaardingen, Eindhoven, Arnhem, Oslo, Zwitzerland, Manchester, Denhaag, Groningen, Veenandal, Apeldoorn, Amsfoort, Dordrecht, Reeuwijk, Rotterdam, Nabadda FC, Bermingham, Amsterdam, West – London, Venray, Hoorn, Utrecht, Aphen A/D Rijn, Nijmegen, Purmerend, iyadoona ay usoo daawasho tageen boqolaal ka tirsan taageerayaasha Jaaliyadaha soomaaliyeed ee Dalka Holland, UK, Norwey, & Switzerland.

Hey’adda HIRDA ayaa sanadkaan Kooxaha ku guuleestay Kaalimaha 1-aad, 2-aad, & 3-aad guddoonsiisay Abaal marin Koob, Qalab Isboorti, iyo Abaalmarin lacageed, iyadoona sidoo kale Ciyaartoyda ugu wanaagsan, Gooldhalinta, iyo kooxda ugu asluubta wanaagsaneed la guddoonsiiyay Abaal marino Koob, Shahaadooyin, iyo Bilado.

Kooxaha Reeuwijk ee ka dhisan Dalka Holland & Bermingham oo ka dhisan UK, ayaa isugu soo baxay Finalka Koobka AFT 2011, iyagoo soo bandhigay ciyaar aad u xiiso badan oo soo jiidatay shacabka kaasi oo la isla dhaafi waayay bar-bar dhac, 10-daqiiqo dheeri ah oo lagu daray ayaa sidoo kale la isla dhaafi waayay bar-bar dhac, waxaana markii danbe lagu kala baxay “Regoore” oo ay guusha ku raacday Kooxda Reeuwijk ee ka dhisan Holland oo sanadkaan hanatay Koobka AFT 2011.

Munaasabad aad u qurux badan oo lagu soo gaba gabeenayay Ciyaaraha ayaa waxaa ka hadashay Faadumo Faarax oo ah Hormuudka Hey’adda HIRDA, iyadoona Amaan u jeedisay Marti sharafta, Mas,uuliyiinta, Kooxaha iyo shacabka kasoo qeyb galay Tantanka isla markaana xusuusteeda ku aadan qabashada ciyaarahaan dib u celisay.

Faadumo Farax waxa ayaa sheegtay in qabashada Ciyaarahaan la soo bilaabay 2005-ta, iyadoona sidoo kale xustay in Hey’adda HIRDA ee sanadkii qabato labo koob oo aad u xiiso badan kaasi oo kala dhaca Bartamaha Sanadka iyo Dhamaadka Sanadka, isla markaana ay Hey’adda HIRDA halkeeda ka sii wadi doonto dadaalka ay ugu jirto Hormarinta Isboortiga oo ay u qabato Dhalinyarada Soomaaliyeed ee ku nool qaarada Yurub.

Mas’uuliyiin ka socotay Ururka Somaliweek ee ka dhisan Dalka UK, Maxamed Buuwe & C/salaan ayaa Munaasabadaasi ka hadlay iyadoona Abaal Marin ay ugu tala galeen Hey’adda HIRDA Halkaasi ku guddoon siiyeen Faadumo Faarax.

Sidoo kale waxaa Munaasabadaas goob joog ka ahaa Mas,uuliyiin kala gedisan oo ka tirsan Hey’adda HIRDA oo ay ka mid ahaayeen HIRDA chairman Mohamed Abdisalan Egal, Guuleed Maxamed HIRDA UK, iyo xubnaha Hey’adda HIRDA Xarunteeda Magaalada Amsterdam.

Gaba gabadii Munaasabada Xeritaanka HIRDA AMSTERDAM FUSTEL TORNAMENT 2011, Waxaa Amaan loogu jeediyay Qeybaha Warbaahinta oo gacan weyn ka geystay tartanka, kuwaa oo ay ka mid ahaayeen, C/naasir Ismaaciil “Sola” Universal TV, Fu’aad Osman “Somalisat TV, Yuusuf Yuusuf “SSPAmedia” Salah Dheere “Wehelmedia” Somali4all TV, iyo Warbaahinada kale ee soomaaliyeed, kuwaasi oo Shahadooyin & Bilado la guddoonsiiyay.

Sanadkaan ayaa lagu tilmaami karaa in uu ahaa sanadkii ugu xiisaha badnaa, iyadoona Ciyaaraha Sanadkaan si toos ah looga daawanaayay Warbaahinada qaarkood iyo Barta isku keenta shacabka ee loo yaqaan “Facebook”, taasi oo sahashay in qeybaha kala gedisan ee jaaliyadaha soomaaliyeed kuwooda ku nool dacalada aduunka si live ah ula socdaan HIRDA AMSTERDAM TORNAMENT 2011.

Sanadka soo socdaayaa la filayaa in uu ka xiiso bato sanadka aan sii sagootineeno ee 2011, walloo ciyaaraha Fustelka ee dhamaadka sanad weliba la qabto ay ka soo hor mari doonto Ciyaaraha kubada cagta ee Hey’ada HIRDA qabato xilliga xagaaga.

Salah Hassan Omer “Salah Dheere”

AMSTERDAM – NEDERLANDS.

Email: s.dheere@hotmail.com

Sawiro dheeri ah Halkaan ka Daawo. (Riix)

FURITAANKA CIYAARAHA HALKAAN KA DAAWO (RIIX).

Ciyaartii galabta oo aheyd mid la wada sugaayay ayaa waxa ay ku bilaabatay dar dar aad u xoogan, iyadoona qeybta 1-aad ee ciyaarta lagu kala nastay Somali 22 Kuwait 9, isku soo laabad ka dib Soomaaliya oo weli hogaanka u heysay ciyaartii maanta ayaa qeybta labaad ee Kaambiyada aheyd xulka kuwit ku nasisay 14 – 11.

Kaambiyaha ka dib oo ay labada kooxood u muuqday kuwo soo wada tashtay ayaa ciyaar xiiso badan mar kale isugu soo laabtay, waxaana qeybtii 3-aad ee ciyaarta ee ku soo idlaatay 14- 16, oo aheyd marka kaliya ee hogaanka loo qabtay Xulka Qaranka Soomaaliya.

Qeybtii ugu danbeesay ee Ciyaarta ayaa waxa ay ku soo idlaatay Somali 16- 11 Kuwait, Taasi oo dhibco ahaan marka la isku daro ee imaaneesio Somali 66-47 kuwait, guushana ay sidaas ku raacday gabdhaha Qaranka Soomaaliyeed ee Kubada Koleyga.

Qaranka gabdhaha Kubada Koleyga Soomaaliya ayaa 19-december la ciyaari doona Dhigooda dalka Jordan, taasi oo ah ciyaar si weyn loo wada sugaayo.

Soomaaliya ayaa ciyaartay 4-kulan, 2-kulan waa laga badiyay, 2-kulan iyaga ayaa badiyay, waxaana u harsan 1-kulan oo ay la ciyaareeso jordan.

Kulankii 1-aad Masar 90-24 Soomaaliya, Kulankii 2-aad, Soomaaliya 67-57 Qatar, Kulankii 3-aad Soomaaliya 38-87 Lubnaan, Kulankii 4-aad ee Maanta ahaa Soomaaliya Kuwait.

Xulka Qaranka Gabdhaha kubada Koleyga Soomaaliyeed ayaa rajo wanaagsan ka qaba in ay usoo gudbaan kaalinta 3-aad ee Koobka Kubada Koleyga Jaamacada Carabta hadii aysan ku harin Tiriska goolasha laga dhaliyay iyo inta ay dhaliyeen, taasina hadii ay dhacdo waxa ay galayaan kaalinta 4-aad.

Gabdhaha Kubada Koleyga Soomaaliyeed ayaa noqonaya Ciyaartoydii ugu horeeyay oo guul la taaban kara ka gaara Tartanka Jaamacada Carabta tan iyo intii uu bur burka ka dhashay dalka Soomaaliya.

Natiijada oo faah faahsan halkaan ka daawo.

Salah Hassan Omer “Salah Dheere”

Email: s.dheere@hotmail.com

Ciyaarta Galabta oo aheyd mid aad u xiiso badan isla markaana la wada sugaayay ayaa ku soo idlaatay 38-87 oo loogu awood sheegtay Xulka Qaranka Gabdhaha Kubada Koleyga Soomaaliyeed.

Gabdhaha Kubada Koleyga Dalka Lubanaan ayaa iyagu ah Xulka ugu adag Ciyaaraha Kubada Koleyga ee jaamacada Carabta waxaana loogu cabsi qabaa in ay sanadkaan la hooyato Koobka All Arab games.

Qaranka Soomaaliya oo 3-kulan ciyaaray tan iyo inta uu bilawday tartankaan All Arab Games ee ka socda Magaalada Doha ee Dalka Qatar, ayaa waxa ay kulankooda ugu horeeyay la ciyaareen Xulka Qaranka Dalka Masar, kaasi oo ku soo idlaaday 90-24, oo soomaaliya loogu awood sheegtay.

12,December ayee xulka Qaranka Soomaaliya la ciyaareen Qaranka Dalka Qatar ee iyagu dalkooda lagu marti gelinaayo Koobka All Arab Games, taasi oo soomaaliya ay ka gaareen guushii ugu horeesay, iyagoona 67-57 ugu awood sheegtay Qaranka Qatar.

Soomaaliya meel waliba oo ay joogto maalintaasi waxa ay u aheyd maalin farxadeed maadaama ay Qaranka Soomaaliya ee gabdhaha Kubada Koleyga Cashir u dhigeen Dalka Qatar oo marti gelinaya Koobka.

Gabdhaha Kubada Koleyga Soomaaliyeed waxaa u harsan laba kulan oo ay la kala ciyaari doonaan Gabdhaha Dalka Kuwait iyo Jordan, iyadoona labadaasi kulan ay soomaaliya ka rajeenayaan in ay ka soo hooyaan guul.

Qore: Salah Dheere

Galabta ayaa waxaa ciyaar xiiso badan ee dhex martay Xulalka Dalka Qatar iyo Soomaaliya, waxaana muuqatay in Xulka Dalka Qatar Cashir loo dhigay Dalabka ka dib markii 4-ta qeybood ee ciyaarta hogaanka loo haayay Xulka Qatar marka laga reebo 1 qeyb oo ay hogaanka qabteen.

Ciyaarta galabta oo aheyd mid si weyn loo wada sugaayay ayaa waxa ay ku soo idlaatay 67- oo ay la imaadeen xulka Qaranka gabdhaha Soomaaliyeed iyo 57 oo ay la imaadeen Xulka Qatar.

Ciyaartii ugu horeesay oo ay Xulka Qaranka Gabdhaha Kubada Koleyga Soomaaliyeed la ciyaareen 9-kii December Xulka Dalka masar, ayaa waxaa muuqatay in Soomaaliya Cashir loo dhigay waxaana loogu awood sheegtay 90-24

15-ka December ayaa la filayaa in Xulka Qaranka Soomaaliyeed ee la ciyaaraan dhigooda dalka Lubnaan, ciyaartaasi oo ah mid si weyn loo wada sugaayo.

HALKAAN HOOSE KA DAAWO DABAALDAGA XULKEENA SOOMAALIYA

Qorituurka Koobkaan ayaa lagu qabtay Magaalada Amsterdam iyadoona Ciyaaraha HIRDA Fustal Tornament ee Sanadkaan ka qeyb gali doonaan illaa iyo 24-kooxood oo ku guuleystay buuxinta shuruudaha loogu qeyb galo Ciyaarahaan, inkastoo 43-kooxood ee dalabkooda soo gudbisteen.

Kooxaha ka qeyb galaya Ciyaaraha Fustelka Amsterdam ayaa sanadkaan ka kala imaan doona Dalalka UK, Switzerland, Norwey iyo Magaalooyinka waa weyn ee dalka Holland.

Sidoo kale Sanadkaan ayaa la filayaa in uu noqdo mid ka duwan sanadihii hore ee soo maray ciyaaraha Fustelka Amsterdam, iyadoona had iyo jeer ee ka soo qeyb galaan ciyaarahaan Xubno Magac iyo Sumcad ku leh saaxada Isboortiga Soomaaliyeed.

Ciyaaryahankii Hore ee Xulka Qaranka Kubada Cagta Dalka Soomaaliya iyo kooxdii Horseed Legend Maxamed Ismaaciil, ayaa sanadkaan furi doona koobka Amsterdam Fustel Tornament, iyadoo uu garabkiisa taagnaan doono Xiddigii Kooxda Manchester, xilligaanna u ciyaara Kooxda NEC ee ka dhisan Dalka Holland Cabdisalaam Ibraahim Caddaay.

Sidoo kale Sanadkaan Waxaa Tornamentigaan lagu marti qaaday, Mucjisaha Kubada Miiska Magan Tahir, Laacibkii Kubada Koleyga Macalin John, Garsoore Caddaay, Madaalihii Xiriirka Soomaaliyeed ee Kubada Cagta, Koofur Yare, Mudane Nuunoow, C/qaadir Qanjeey, Xuseen Abanur Abati, Xasan Jabuuti, Fu’aad Osman, SSPA-media iyo qaar kale oo fara badan.

Waxaa sidoo kale dalka Holland soo gaari doona Madaxda ururka Somaliweek UK Diaspora, oo sanadkaan si rasmi ah loogu marti qaaday ka soo qeyb galka koobka HIRDA AFT 2011.

Koobka waxaa la dheeli doonaa 24/ 25/ 26 December 2011, iyadoo lagu qaban doono sida sanad waliba loogu bartay Garoonka dadan ee Sporthallen, Zuid Amsterdam.

Kooxaha Ayaa isugu aaday sida tan:

Qeybta 1-aad – Qeybta 3-aad.

Vlaardingen      vs       Eindhoven.

Arnhem             vs      Oslo.

Zwitzerland.     vs     Manchester.

Denhaag.          vs      Groningen.

Veenandal.       vs      Apeldoorn.

Amsfoort.         vs      Dordrecht.

Qaybta 2-aad – Qaybta 4-aad.

Reeuwijk.        vs     Rotterdam.

Nabadda FC.   vs     Bermingham.

Amsterdam.    vs      West – London.

Venray.             vs      Hoorn.

Utrecht.            vs      Aphen A/D Rijn

Nijmegen         vs       Purmerend.

Dhanka lake saxaafada waxaa ka soo qayb gali doono ideecadaha, TV-yada isboortiga iyo website wax ka qora Soomaalida, fanaaniin caan ah, iyo Marti sharaf kale oo aad u fara badan kuwaasi oo ka kala socda jaaliyadaha soomaalida ee Yurub, iyadoona sanadkaan uu noqon doono mid taariikh gala.

Kulankaa oo ahaa kulan aad u xiiso badan ayaa goolasha looga hormaray kooxda Juventus ayadoo ay kooxda Napoli ay qeybtii hore ee cayaarta ay 2-0 ku hogaamineysay.

Labada goolal ayaa kala dhaliyay labada cayaaryahan eek ala ah Marek Hamsik iyo Goran Pandev, iyadoo cayaaryahan Hamsik uu rigoore ka qasaariyay kooxdiisa daqiiqadii 14aad ee ciyaarta.

Qeybtii danbe ee cayaarta ayaa waxaa gool u bilaabay kooxda Juventus cayaaryahan Alessandro Matri kana dhigay ciyaarta 2-1 balse Pandev ayaa marwada duqda ah ku sii fogeeyay cayaarta oo waxa uu ka dhigay 3-laakiin waxa daqiiqadii 72 iyo 80-aad gool ukala dhaliyay Juventus Marcelo Estigarribia iyo Simone Pepe.

guud ahaa ciyaarta ayaa ku dhamaatay 3-3 sidaane waxaa wali hogaanka u haayo Serie A Juventus oo ku horkeceysa 26 dhibcood waxaana ku soo xigta kooxda Ac Milan oo iyaduna leh 24

Kulnakaa oo ahaaa quarterfinal koobka Carling Cup ayaa xalay ka dhacay garoonka kooxda Arsenal ee Emirate iyadoo marka hore ay u muuqatay in ay awoodbantahay kooxda Arsenal ayaa waxaa awoodaa hor istaagay cayaaryahan Segio Aguero oo gool soo daahay ka dhaliyaya daqiiqadii 84-aad

Gunnerska ayaa isku dayeen inay soo gudaan goolka balse uma suurta galintaa

Sidookale waxaa xalay ku quustay goroonkooda Stamford Bridge kooxda Chelsea kadib markii kooxda Liverpool ay 2-0 uga adkaatay

Labada gool ayaa yimid qeybtii danbe ee ciyaarta, iyadoo ay kala dhaliyeen Martin Kelly iyo Maxi Rodriguez waxaana caawiye ahaa labada goolba Craig Bellamy.

Ciyaaryahan Andy Carroll oo dhameystay 90ka daqiiqo ee ciyaarta ayaa qeybtii hore daqiiqadii 20aad ee ciyaarta waxaa laga badbaadiyay rigoore, ka dib markii Alex uu kubad gacanta ku taabtay, waxaana rigooradaasi ka tufay goolhaye Ross Turnbull.

Natiijadan ayaa waxa ay ka dhigeysaa in markii labaad 10 maalmood gudahood ay kooxda Kenney Dalglish ay garoonka Chelsea ku garaacaan, taasoo sii kordhineysa cadaadiska tababare Andre Villas-Boas.

Liverpool ayaa haatan xaqiijisatay hal kulan oo ay ugu safrayaan Wembley bilowga 2012ka

Dhanka kale Cardiff ayaa ku barbaratay kooxda Blackburn Rovers ayadoo uga badisay labo gool iyo waxba

Kooxaha Manchester United iyo Crysta Palace ayaa iyaguna caawa ciyaari doona !

Qoddobka1aad: Sharaxaada guud ee garoonka
Qiyaasta iyo cabirka xerro kubadda (garoonka, gegeda ) oo u kala baxaya sidan:-
.Cabirka laymanka ku wareegsan garoonka ee ( xadka dheer iyo xadka gaaban )

Cabirka garoonka ee ciyaaraha gudaha-
Dhererka garoonka : ugu yaraan 90metre
- Dhererka garoonka : ugu badnaan 120metre
- Balaca garoonka : ugu yaraan 45meter
- Balaca garoonka : ugu badnaan 90metre

Cabirka garoonka ee ciyaaraha Caalamiga -
Dhererka garoonka :ugu yaraan 100metre
- Dhererka garoonka :ugu badnaan 110metre
- Balaca garoonka : ugu yaraan 64metre
- Balaca garoonka : ugu badnaan 75metre

- Cabirka dhererka goolka iyo Jooga goolka ( 7.32metre x 2.44metre )
- Dilinta 18aad :khadka goolka ilaa barta rigooraha laga laado ( 11m ) iyo barta rigooraha ilaa qaansada rigooraha (9.15m)
- Dhererka labadda xerro ee ku gadaaman goolka ee xerrada dibedda iyo xerrada gudaha ( 16.15 x 5.5m )
- Cabirka goobadda dhexe ee garoonka (9.15m)
- Cabirka xeradda yar ee geeska ( corner) ee kubadda laga laado oo ah ( 1m )
- Jooga ullaha geeska ( corner) ee calanka lagu xidho ( 1.5 )metre
- Lixda calan ee garoonka, afar calan ayaa khasab ah
- Ballaca xariijimaha garoonka ugu badnaan 12cm

Qoddobka 2aad:Nabadgelyadda Kubadda iyo Qiyaasta dheelitirka Kubbada
Shayga kubbadu ay ka samaysan tahay : maqaar ( harag)
- Qaabka Kubadda : Malaasan
- Qiyaasta kubadda : lambar 5
- Cufnaanta iyo wareega kubbada ugu yaraan 68cm – ugu badnaan 70cm
- Culayska kubadda ugu badnaan 450grams – ugu yaraan 410grams ( marka ciyaarta la bilaabayo )
- Naqaska kubbada : 0.6bar ama 0.8bar ..cadaadiska kubaddu waa in uu ku sar go’anyahay hawada
dhulka ku wareegsan,cadaadiska hawada ka sarasysa badda iyo cufis jiidadka
waxaa kale oo ku jira xeerkan bedelka kubadda

Qaybta farsamada- Go’aanka gudidda xeer ilaaliyaasha ee qaybta farsamada
- Diiwaanka tiradda ka qayb qaadanaysa ciyaarta
- Meel marinta sharciyadda (sharciga) tartanka ama tartamadda u yaala
- Boos ku soo noqoshada garoonka iyo qaybta farsamada
- Abaabulka iyo diyaar garowga kooxda

Agabka garsooraha afraad ee qaybta farsamada iyo kaydka
. Kooxda waxaa loo ogol yahay.halkii marba hal tababare oo ku magacaaban
- Boos ku soo noqoshada ciyaartoyda kaydka , garsooraha kaydka iyo madaxda ciyaarta
- Ogolaanshaha garsooraha ee garoonka ( galid iyo bixid)
- Dhakhtarka gurmadka deg-dega ah oo ku soo gali kara ogolaanshaha garsooraha
- Hal qof oo kaliya ayaa loo ogolyahay in ciyaartoyda garoonka ku jira uu gaadhsiiyo fariinta farsamada ee
tababaraha, kaas oo booska ka kici oo kuna soo noqon kara.
- Dhamaystirka qoraallada warbixinta guud ee ciyaarta ( natiijada, anshaxa ciyaarta, gudidda ) iwm.
- Garsooraha afraad ee miiska shaqo kuma laha sharciga ciyaarta ee wixii khaldan garsooraha ayuu wargeliyaa

Asluubta iyo ganaaxa ee qaybta farsamadda :- Waa in tababaraha, dhakhtarka iyo ciyaartoygu ay muujiyaan mas’uuliyad (xil kasnimo)
- Ma laga saari karaa tababaraha garoonka ?
- Qaybta farsamada ma laga saari karaa dhakhtarka gurmadka deg-dega ah ?
arimahan kor ku xusan waxa ay hoos yimaadaan sharciga qaybta farsamadda

Qoddobka 3aad :Cadadka ka qayb qaadanaya ciyaarta
Tiradda Ciyaartoyda
11 Ciyaartooy
1Gool-wade ama gool-haye
Sharciga Miiska farsamadda ee qaybta kaydka
Ciyaartoyda kaydka ah ( bekino )
Tiradda kaydka : Ugu badnaan 7ciyaartooy
Tiradda bedelka: 3ciyaartooy ayaa la badali karaa ( labadda nasho )
iyo xeerka bedelka goolhayaha

Xeerka badelka ee ciyaartoyda kaydka
a) Ciyaartoyga laga saaro ciyaarta oo weli la bilaabin, waxaa lagu badeli karaa kaydka sajilan ama diiwaan gashan
b). Ciyaartoyga kaydka ah ee fadhiya . hadii laga saaro garoonka , ciyaartoy kale oo kayd ah la guma badali karo booskiisa
Hadii kooxdu magacyadda ciyaartoyda kaydka ah ay u gudbiyeen garsoorka , ciyaartoyduna ay ka daaheen kuraasta kaydka oo ay soo fadhiistaan( fariistaan) ciyaartii oo socota, garsooruhu uma diidi karo ciyaartoyda fadhiga miiska kaydka (bakino)

Badelka Ciyaartoyga
Marka is-badelka la samaynayo
- Garsooraha oo la ogaysiiyo
- Ciyaarta oo la joojiyo
- Ciyaartoyda baxaya iyo ciyaartoyga galaya
- Ciyaartoyga oo laga badalo khadka kala badhka garoonka
- Bixitaanka ciyaartoyga. hadii ay jiraan asbaabo gaara
- Dhamaadka xeerka bedelka + Ciyartooyga = Astaanta galida garoonka-
- Xeerka ciqaabta iyo asluubta

Ganaaxa ciyaartoyga kaydka ah ee sharciga ka hor yimaada
.Hadii ciyaartooyga kaydka ah uu garoonka iska galo garsooraha oo aan la ogaysiin
garsooruhu waxaa la guboon saddex talaabo:
- Waa in firimbiga (siidhiga) uu yeedhiyo (afuufo ) isla markaana uu joojiyo ciyaarta
- Waa in garsooruhu kaadhka digniinta ee jaallaha (huruud) uu siiyo ciyaartoyga falka sameeyey
- Waa in garsooruhu.kubbada uu u tuuro labada kooxood ( halkii ciyaartoygu uu ka soo galay )

Qoddobka 4aad:Qalabka ciyaartoydda (ciyaartoyga)
Nabadgelyadda Ciyaartooygu ma isticmaali karo ama ma xidhan karo wax kasta oo khatar galinaya ciyaartoyga kale iyo naftiisaba, sida( silis ama katiinad, ,saacad, iwm)
- Waa in.funaanada uu hoos ka mariyo surwaalka (dabo-gaabka ama lugo gaabka), gaar ahaan marka uu soo galayo garoonka
- Waa in la fiiriyo gacmaha funaanada iyo raqabadda funanadda (qoorta) in uu wax ku qariyay
- Waa in uu sharabaado (sikisaan) iyo kabbo uu xidhan yahay oo la hubiyana in uu wax ku qarinayo
- Qalabka bad-baadada lugaha ( shinpad and shinguard) waa inay ka hooseeyaan sharabaadada(sakisaanta)
- Ciyaartoyda oo dhan waa in ay ka siman yihiin qalab ku haboon cimillada iyo nabad gelyadda
- Waa in funaanada gool wadahu (goolhaye )ay ka duwan tahay midabka dirayska kooxdiisa

Qoddobka 5aad :Garsoorayaasha/ garsooraha
Agabka garsooraha
. Waa in uu u hogaansan yahay sharciga
. Waa in .Ciyaarta uu xakameeyo isagoo la kaashanaya labadda calan wade
. Waa in talaabo uu ka qaado ciyaartooygii ka hor yimaada sharciga
. Waa in talaabo uu ka qaado Madaxda kooxda, hadii ay sharciga baal maraan
. Garsooruhu waa uu badali karaa calan wadaha ( hadii uu ka gaabiyo wada shaqayntooda)

Dhaawaca ciyaartoyda
.Arimaha yaryar ee fudud: waa in ciyaartu ay socoto
.Dhaawaca culus:garsooruhu waa in ciyaarta uu joojiyo
.Dhaawaca dhiiga : Ciyaartoygu waa in uu garoonka ka baxo
Go’aanka garsooraha
Ka faa’iidaysiga fursadaha ciyaarta oo sii socota ( advantage)
Hadii khaladku fudud yahay, ha u ogolaado fursad uu ka faa’iidaysto( advantage) ciyaartoyda kooxda kale in ay sii wataan ciyaarta

Su’aalaha ku saabsan go’aanka garsooraha
- Haddii arimaha ka faa’iidaysiga aan lagu kordhin ciyaarta, Maxaa dhici kara ama ka iman kara , ?
-Talaabooyinka la qaadey ee waafaqsan sharciga dastuuriga ah ee ciyaaraha , Ma noqon karaan arimo keeni kara dib u gocasho ?
-Garsooruhu ma ka noqon karaa go’aankiisa ?

Qoddobka 6aad :Wakhtiga / Natiijada / iyo waajibaadka calan wadaha
Wakhtiga la bilaabayo ciyaarta . Waa in kooxdu ay soo gudbiso garsoorka magacyadda madaxda ciyaarta iyo ciyaartoyda
Natiijada : Waa in la suggo lana qoro natiijada ciyaarta

Waajibaadka agabka ama shaqadda Calan wadaha
. Ka taxadiro in lagu sii ciyaaro kubad ka baxday garoonka oo dib ugu soo noqotay ciyaarta
. Laadka.laga soo gamayo geeska ( corner)
. Ciyaartooydu ay ka fogaadan goobta rigooraha ,marka rigoore la laadayo
. Baaqa astaanta is- bedelka ciyaartoyga.
. La socda ciyaarta isla markaana saxo hubiyana khaladaadka ka fog aragtida garsooraha
. Marka Ciyaartoygu uu galo ciyaardhaaf (offside)
. Haddii Ciyaartoygu carqaladeeyo ciyaartoyga iyo ciyaartaba ( nabad gelyadda awgeed)
. Calan waduhu ma siin karo ciyaar dhaaf (offside ) ciyaartoyga ee garsooraha ayuu u baaqi karaa

Qoddobka 7aad: Saacadda ciyaartu ay soconayso
. Labadda wakhti ee ciyaarta oo mid walba uu yahay 45daqiiqadood ( waxa ay ku xidhan tahay tartanka)
. In wax laga bedeli karo wakhtiga ciyaarta ?
. Goorma ayaa wakhti dheeraad ah lagu dari karaa?
. Dhamaystirka rigoorayaasha ( gool-ku laadka)

Nasashadda
.Ma haysataa ama leedahay wakhti aad nasato ?
-Wakhti intee le’eg ayay kugu qaadanaysaa ?
Wakhtiyadda dhaacawa
.Kaydka
.Qiimaynta iyo la la tacaalka dhaawaca
.Ciyaartoyga dhaawaca ee garoonka ka baxaya
.Wakhti lumiska
.Arimo kale

Qoddobka 8aad :Xeerka biloowga ciyaarta, iyo dib u biloowga ciyaarta (nasashada, marka gool dhasho, gees (corner) , darbada (xorta ah iyo ta xorta ahayn),gacan ku tuurka,gool laadka (goalkick), gool ku laadka ( (rigoore ama penalty)) iyo marka ay jiraan arimo loo hakiyey ciyaarta )Qori tuurka labadda kooxood

- Waa in kooxda qoriga tuurka heshaa ay kala doorato kubadda ama goolka
- Waa in Ciyaartoygu marka kasta oo ciyaarta la bilabaayo ka fogaado kubbada ugu badnaan 9.15( talaabo)
- Kubbadda oo la dhigo badhtamaha garoonka
- Astaanta garsooruhu uu gacanta u taago marka ciyaarta la bilaabayo in laba kooxoodba ay diyaar yihiin
iyo siidhiga ( Firimbiga ) oo uu yeedhiyo ama uu afuufo

Qoddobka 9aad:Xeerka kubbada gasha garoonka iyo kubbada ka baxda garoonka
Xeerkan waxaa uu ka koobanyahay labo qodob oo kala ah
Kubbadu marka ay ka baxdo garoonka ee aan lagu ciyaari karin
.Gebi ahaan marka kubaddu ay ka gudubto xadka garoonka iyo laymanka goolka ku gadaaman
haddii ay marto dhulka ama hawada labadaba

b). Wakhtiga kubadda aan la joojin karin ee la sii ciyaari karo
.Haddii kubaddu ay ka soo boodo baallaha (birta) iyo Usha calanka ee ay garoonka ku soo noqoto
.Haddii kubaddu ay ku dhacdo garsooraha iyo calanwadaha oo ay garoonka ku soo noqoto

Qoddobka 10aad: Xeerka sugida natiijada goolasha dhashay
.Goolka iyo goolasha la kala dhaliyay oo la qoro
. La sugo natiijada kooxda badisay (raysay) ee guushu raacdey
Haddii ciyaartu ay ku dhamaato gurmad dhac (bar-bardhac) in wakhti saa’idda lagu daro , hadii lagu daro waa in la raaco ,sida uu dhigayo xeerka iyo xeerinta sharciyadda kubbada cagta iyo Sharciyadada tartammada ee IFAB.

Qoddobka 11aad: Xeerka Ciyaar dhaaf (Offside )
Ciyaartoyga ku jira Ciyaar dhaaf ( offside ) garsooruhu waxa uu xukunka ridaa ,marka kooxdiisu ay kubbada taabato ama laado
Marka ciyartoygu uu ku jiro Offside
Marka ciyaartoydgu uu ku dhowaado goolka kooxda kale ee isaga iyo kubbadu ay gadaal ka maraan difaaca koowaad

Marka ciyaartoygu uu ku jirrin ciyaar dhaaf (offside)
Marka uu joogo ,badhtamaha garoonka iyo qaybta kooxdiisa
- Marka uu la gudboon yahay heerka raaca difaac labaad ee ugu dambeeya
- Haddii uu la gudboon yahay heerka raaca labada difaac ee ugu dambeeya
- Marka kubadda laga soo laadayo goolka kooxda kale iyo marka ( gacanta lagu tuurayo iyo Kornerka )

Aragtida garsooraha in ciyaartoyda la siin karo ganaax ama digniin
waxaa ka mid ah wakhtiga ciyaartoygu uu ku mashquulo arimahan:-
.Carqaladeeyo agabka ciyaarta
.Faro galiyo ciyaartoyda kooxda kale
.Booska ugu hadha in uu ka faa’iidaysto furasadda (offside)
Qoddobka 12aad: Xad gudubka (xag-xagashada, xanaaqa ) iyo anshax xumada
Xeerkani waxa uu khuseeyaa arimaha keena rigoore iyo labadda laad ee laadka xorta ah iyo laadka aan xorta ahayn ( Direct free kick, Indirect free kick,Penalty )oo ah sidan hoos ku xusan:-

Laadka xorta ah ( direct free kick)
.Haraati iyo laad ku dhufta ciyaartoyga kooxda kale
.Ku joogsado ama ku dul socda ciyaartoyga kale
.Boodo ciyaarta ama ciyaartoyga kale
.Mar kaliya oo kubbada iyo cagta ciyaartoyga la isku qabto..Rakisaad ( charges, Contro colbo)
.Ciyaartoyda iyo ciyaartaba ku xanaaqa
Laadka xorta ah ( direct free kick)
.Riixa ama jugeeya ciyaartoyga
.Ciyaartoyga oo aan kubbad haysan ama qabsan raba oo loo jiifsado ama shaafto (tackle)
.Qabsada ( haysta, ) ciyaartoyga
.Ku tufa candhuuf( qandhuuf) ama calyo
.Gacanta ula badheedha kubadda
Ganaaxa Rigooraha:
Tobankaas fal mid ka mid ah, hadii ciyaartoygu ku sameeyo gudaha goolkiisa ,waa rigoore ama gool ku laad

Laadka aan xorta ahayn ( indirect free kick) ee goolwadaha
.Goolwaduhu kubadda hayo lix il-gibidhsi (ilbidhiqsi) wax ka badan
. Kubadda labo jeer ka badan dhulka ku dhifto ama garaaca marka uu goolka ka soo laadayo
. Hadii gacan ku tuurka (foremano) uu gacanta ku qabto
. kubadda gacanta ku taabta haddii saaxiibadii u soo baasaan iwm

Laadka aan xorta ahayn ( indirect free kick) ee Ciyaartoyga:
.U ciyaara si khatar galinaysa ciyaartoyda
.Isku dhejija (isku xoqa ama naba ) ciyaartoyga
.Carqaladeeya goolwadaha oo gacantiisa ka dafo( dhufto, boobo) kubadda
.Ku kaca falal aan waafaqasanayn sharciga 12aad oo sababa in ciyaarta la joojiyo ama la siiyo digniin

Digniinta iyo Dambiyadda
Todobbada arimood ee digniinta jaalle( huruud) ay ku qaadan karaan ciyartoyaga ciyaaraya iyo kayda
. Khalad ka baxsan anshaxa ciyaaraha (ciyaarta)
. Cay, aflagaado, gardaro iyo dhaq-dhaqaaq ficil ah
. Ka hor yimaada sharciga
. Daahiya kubbada marka dib loo bilaabayo ciyaarta
. Diida in uu ka fogaado kubadda marka la dhigo ( corner,free kick or indiect free kick)
. Garoonka oo uu ku noqdo iyada oo aan la ogaysiin garsooraha
. Garoonka oo uu ka baxo isaga oo aan ogaysiin garsooraha

Toddobbada arimood ee ciyaartoydu guduud (casaan) ku mutaysan karo
1. Khalad wayn oo muuqda
2. Gacan ka hadal, ama dagaal
3. Candhuuf ama calyo ku tufa ciyaartoyda kooxda kale ama qof kale
4. Goolka dhexdiisa oo gacanta si badheedha ugu difaaco
5. Laadka oo uu ka xanibo kooxda kale in ka faa’iidaystaan fursada rigoore ama darbo toosan oo loo dhigay
6. Ereyo xun iyo hadalo aflagaado ah oo ka soo baxa afkiisa
7. Jaalle( huruud ) labaad oo la siiyo isla ciyaar kaliya

Qoddobka 13aad: Qaybaha laadka xorta ah iyo laadka aan xorta ahayn ((direct free kick and indirect free kick)
Laadka xorta ah toos ayaa loo laadi karaa, Laadka aan xorta ahayn waa la in isu taabto kubadda, laakiin labadda laadba waxa ay ka simayihiin ciyaartoygii kubadda laaday mar labaad ma taaban karo kubadda ilaa ciyaartoy kale uu taabto.

Tilmaanta Garsooraha:
Laadka xorta ah gacanta ayuu xaga hore u taagayaa
Laadka aan xorta ahayn garsooruhu gacanta ayuu kor u taagaa isagoo kor ka marinayaa madaxiisa
Wajibaadka kooxda
Xeerka laadka xorta ah iyo laadka aan xorta ahayn ee kooxda ku jirta difaaca
.Kooxdu ka fogaato kubadda ugu yaraan 9.15talaabo
.Kooxda oo dhan ay banaanka ka joogaan naxaawiga rigooraha ilaa iyo inta la laadayo
.Kubadda waxaa la ciyaari karaa marka laga laado barta rigooraha ka damabaysa
.Laadka xorta ah ee u dhow nawaaxiga laymanka goolka waxaa la dhigi karaa badhatamaha meel kasta oo goobtaas ah

.Xeerka laadka aan xorta ahayn ee kooxda weerarka ah
.Kooxda kale ka fogaato kubadda ugu yaraan 9.15talaabo ilaa iyo inta la laadayo is taagaana laymanka u dhexeeya labada birood ee goolkooda
. Kubadda marka la laado ee ay dhaqaaqdo ayaa lagu ciyaari karaa
.Laadka aan xorta ahayn ee la dhigo gudaha nawaaxiga goolka ,waa barta ugu dhow ee sharciyan ah in la dhigo, taas oo ka tirsan nawaaxiga laymanka goolka ee barbar socda laymanka goolka .

Xeerka laadka xorta ah ee ka sareeya( koreeya) goobta rigooraha
.Kooxda kale ka fogaato kubadda ugu yaraan 9.15talaabo ilaa la laadayo
.Kubadda marka la laado ee ay dhaqaaqdo ayaa lagu ciyaari karaa
.Laadka xorta ah waxaa laga laadaa goobta falku ka dhacay

Qoddobka 14aad: Xeerka gool ku Laadka ( rigooraha,penalty )
Booska Kubadda iyo ciyaartoyga
.Kubadda in la dhigo barta laga gamo rigooraha
.Ciyaartoyga rigooraha laadaya oo la magacaabo
.Goolhayaha difaacaya kubadda iyo Goolka ( goolhayuhu joogo booskiisa. u jeesto jihadda ciyaartoyga rigooraha laadaya iyo in goolwaduhu ka soo bixin goolka ilaa inta rigooraha la laadayo )

Waajibaadka ciyaartoyda kale
. Ka bixin garoonka
. Gadaal ka joogsadaan nawaaxiga rigooraha
. Gadaal ka maraan calaamadda rigooraha
.Ugu yaraan 9.15meter ka dambeeyaan calaamadda rigoorahaGarsooraha
. Garsooruhu ma bixin karo amar in irigooraha la gamo ilaa iyo ciyaartoyga laadaya uu imanayo barta rigooraha ,waa sida sharcigu dhigayo
-Garsooruhu go’aan gaadhi karo marka rigoorahu dhamaado

Qoddobka 15aad: Xeerka gamco ku tuurka ( fore mano, throw in, )
Qoddobka 16aad: Xeerka gool -laad (ka), ( goal kick))
Qoddobka 17aad:Xeerka geeska( cidhifka ama darifka ) corners

Xusuusin: Sannadkii 1975tii ayaa la joojiyay in lambarka funaanada uu tilmaamo booska ciyaartoygu uu ka ciyaaro ciyaarta, taas oo IFAB iyo FIFA ay isku raaceen in uu noqdo lambarka diiwaanka ciyaartoyga ( Player registration) ee maamulka kooxda uu ka tirsan yahay

Codsi Gaara:Macalimiinta,Garsoorayaasha ,Ciyaartoyda iyo Suxufiyiinta Somalida ee iiga aqoonta badan ciyaaraha wixiii khaldan fadlan waad saxi kartaan ama ku darso qaybtaada.

Mahadsanidiin
M.Farah Aden (Ghandi)
farahaden99@hotmail.com