XAQIIQDA

Home » Ciyaaraha, News » Kooxda Gothenburg oo ku guuleysatay koobkii Muriidi Zein ee EuroSom 2011 “Sawiro”

Kooxda Gothenburg oo ku guuleysatay koobkii Muriidi Zein ee EuroSom 2011 “Sawiro”

Posted by Webmaster on July 30, 2011 0 Comment

July 30, 2011. Kooxaha Kanava Finland iyo gothenburg Sweden oo isugu soo baxay cayaartii kama dambeysta ayaa shalay ku hardamay garoonka kubada cagta oo mudooyinkan uu ka socday cayaaraha xagaaga EuroSom, waxaana cayaartaasi ay aheyd mid aad u xiiso badan ayna ka soo qeybgaleen daawashadeeda madax ka socotay dowlada Finland, Madax Isboorti, shaqsiyaad magac ku leh bulshada Soomaaliyeed dhexdeeda iyo dadweyne aad u fara badan.

kaalimaha kooxaha ayaa waxaa loo kala abaalmariyey sidan:

GOTHENBURG: Sweden kaalinta koowaad   waxaa la siiyey kooba qurux badan bilado iyo abaalmarin  lacageed.
KANAVA: finland  kaalinta labaad waxaa la siiyey koob, bilado iyo abaalmarin lacageed
SUKAO: Norway  kaalinta sedexaad   waxaa la siiyey koob, bilado iyo abaalmarin lacageed.
Waxaa sidoo kale la bixiyey abaal marino qaali ah oo la kala siiyey, cayaaryahankii ugu wanaagsanaa, goolhayihii ugu wanaagsanaa, tabarihii ugu wanaagsanaa  kooxdii ugu wanaagsaneyd

Cayaaryahankii ugu wanaagsanaa  waxa uu noqday  Haashim shariif  oo kooxda Kanava  u cayaara.
Tabarihii ugu wanaagsanaa waxa uu noqday  Cumar gureey oo leyliya kooxda Gothenburg.
Goolhayihii ugu wanaagsanaa waxa uu noqday  jaamac  oo ah goolahayaha Gothenburg.
Kooxda ugu wanaagsan dhankasta waxa ay noqtay W.Qaraabo Denmarkk.
Gooldhaliyaha ugu badan  Johnathon oo kooxda Kanava Nomberka 9-aad uga cayaara.

Sidoo kale waxaa goobta xaflada lagu biyey abaalmarino kale oo la siiyey kooxihii kaalimaha hore galay tartankii kubada koleyga waxaana abaalmarinadaasi bixiyey gudoomiye xigeenka xiriirka kubada koleyga C/casiis Goodax iyo macalinkii hore ee qaranka kubada koleyga Shiine Gohaad.

Farxad gaar ah ayey ii tahay 13sano ka dib in aan ka soo qeybgalo cayaaraha EuroSom waxaana aanan ilaawi doonin nidaamka iyo jawiga wnaagsan ay ku soo dhamaatay tartanka sidaasi daraadeed waxaan qeyb ka noqon doonaa howlaha baaxada leh oo aad umada soomaaliyeed u heysaan sidaasi waxaa yiri Macalin Shiine Gohaad.

Gabagabadii xaflada waxaa heeso aad u macan soo bandhigay fanaanka reer Gothenburg Dalmar oo halkaasi ka qaaday heeso jaceyl ah, iyada oo xalfadii xalay oo aheyd mid si weyn loo soo abaabulay ay ku soo dhamaatay jawi aad u wanaagsan.